_1704867435.jpeg)
धरान: अमेरिकन आइडलको १८ औं सँस्करणमा अश्वेत गायिका जस्ट स्याम विजेता हुँदा नेपाली युवा गायक दिवेश पोखरेल उपविजेता बनेका छन् ।
दिवेशको यो सफलताले नेपाली समुदायमा उत्साह छाएको छ । दिवेशले अडिसन राउन्डदेखि नै चर्चा बटुलेका थिए । उनलाई निर्णायकहरुले पनि निक्कै प्रशंसा गरेका थिए । दिवेश हाल अमेरिकाको कान्सास, विचिटामा बस्छन् । उनको स्टेज नेम ‘आर्थर गन’ हो । कोभिड–१९ को कारण सबै प्रतियोगीले घरबाटै प्रस्तुति दिएका थिए ।
दिवेशको जन्म काठमाण्डौंमा भएको थियो । काठमाण्डौंमै हुर्किएका उनी सानैदेखि गीत गाउथे । उनको परिवार सन् २००८ मा अमेरिका पुगेको थियो । दिवेश चाहि सन् २०१४ तिर मात्र अमेरिका गएका हुन् । उनले २ बर्षअघि एल्बम ‘ग्रहण’ पनि बजारमा ल्याएका थिए । यस्तै, ‘खोज’ एल्बम पनि ल्याएका थिए ।
