आगलागी भएको घरमा भाडामा बस्ने सविता भन्छिन्, ‘अजिलाई बाहिर निकालिसकेको थियौं, छोरी ल्याउन फेरि जानुभयो’(भिडियोसहित)

  • प्रकाशित: जेठ २२, २०७७ / 6,504 पटक पढिएको
  • सोहन श्रेष्ठ

धरान: आज बिहान धरान १५ नौलो पथमा भएको आगलागीमा वृद्ध आमा र छोरीको ज्यान गयो । आगलागीमा परेर ज्यान गुमाउनेमा ८७ बर्षीय वृद्ध आमा धनमाया श्रेष्ठ र छोरी ५८ बर्षीय सीता श्रेष्ठ छिन् ।

यो दुःखद् घटनाका प्रत्यक्षदर्शीमध्य एक हुन्, आगलागी भएकै घरको भुईतलामा भाडामा बस्ने सविता लिम्बु । उनका अनुसार आगो लागेपछि वृद्ध अजी बाहिर निस्किसकेकी थिइन् । तर, घरभित्र छोरी फसेको थाह पाएपछि उनी बचाउनको लागि जादा दुवैको ज्यान गुमेको उनले बताइन् ।

agalagi

स्थानीयका अनुसार छोरीको बोली थिएन भने केही सुस्त अवस्थाकी थिइन् । त्यसैले उनी दिनभरी जसो घरमा कोठाभित्र चुकुल लगाएर बस्ने गर्छिन् । ‘अजीलाई त यहाँ तलसम्म हामीले निकालेका थियौं, तर फेरि जानु भयो, आगो धेरै बलिसकेको थियो, पछि निकाल्नै सकिएन,’उनले भनिन्,‘छोरीले चुकलु लगाएर बस्नु भएको थियो । नत्र दुवै जना बाँच्नुहुन्थ्यो ।’

सविताका अनुसार घटना हुनुभन्दा अघि वृद्ध अजी उनीसँगै कुराकानी गरिरहेकी थिइन् । भोक लाग्यो भनेर माथिल्लो तलामा चढेको उनको भनाई छ । ‘कुराकानी गर्दै थियौं, भोक लाग्यो भनेर माथि चढ्नु भयो । ग्याँस खोल्नु भएछ, तर खुलेन । ओइ के भयो भन्नु भयो । अरु बेला पनि कराउनुहुन्थ्यो,’उनले भनिन्,‘आगो हुर हुर बल्यो । उहाँलाई तल झर्नु भनेर कराए ।’ उनले विजुली सर्ट भएर नभै ग्याँस नै लिक भएर नै आगलागी भएको बताइन् ।

agalagi1 agalagi4

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2020 - क्लिक धरान - सर्वाधिकार सुरक्षित