_1704867435.jpeg)
धरान: धरानमा आज मासु पसलहरुको अनुगमन गरिएको छ ।
आजदेखि लागु हुने गरि मासुको नयाँ मुल्य निर्धारण गरिए पछि मासु पसलहरुको अनुगमन गरिएको हो । मुल्य समायोजन कार्यान्वयन भए नभएकोबारे अनुगमन गरिएको धरान उपमहानगरपालिकाका अनुगमन अधिकृत वेदप्रसाद सापकोटाले जानकारी दिए । ‘आजदेखि लागु हुने गरि धरानमा मासुको नयाँ मुल्य समायोजन गरिएको छ, त्यो मुल्य कार्यान्वयन कस्तो भइरहकेो भनेर अनुगमन गरिएको हो,’उनले भने ।
सापकोटाका अनुसार धरान १७ रेल्वे, धरान १३, धरान १२ चतरालाइनलगायत विभिन्न ठाउँमा अनुगमन गरिएको थियो । अधिकांश पसलमा कार्यान्वयन भएको पाइएको सापकोटाले जानकारी दिए । केही पसलहरुमा समायोजन भन्दा बढी मुल्य पाइरहेको पनि भेटिएको थियो । ‘केहीमा कुखुराको मासु ३ सयमा बेचेको भेट्यौं, खसीको मासु पनि १ हजारमा बिक्री भइरहेको थियो । अधिकांश पसलमा समायोजन भएको मुल्य कार्यान्वयन भएको नै छ,’अधिकृत सापकोटाले भने,‘कार्यान्वयन नगर्ने पसलहरुलाई कार्यान्वयन गर्न सुझाव दिएका छौं ।’
मासुको मुल्य निर्धारण गर्न गठित समितिले आज (आइतबार)देखि लागु हुने गरि नयाँ मुल्य निर्धारण गरेको थियो । समितिले बोइलर कुखुराको मासु प्रतिकिलो २८० रुपैया कायम गर्ने निर्णय गरेको थियो भने सँुगुरको मासु प्रतिकिलो ३६०, खसीको मासु प्रतिकिलो ९ सय र राँगाको मासु प्रतिकिलो ३५० निर्धारण गर्ने निर्णय गरेको थियो । बोइलर कुखुराको डिलरहरुले मासु पसललाई एक सय रुपैया मार्जिन हुने गरि ज्यँुदो कुखुरा बिक्री गर्ने पनि सहमति भएको थियो ।
