_1704867435.jpeg)
धरान: प्रदेश १ का मुख्यमन्त्री शेरधन राईद्धारा छठ पर्वको शुभकामना व्यक्त गरेका छन् ।
आज एक भिडियो सन्देशमार्फत मुख्यमन्त्री राईले सुख, शान्ति, समृद्धि एवं प्रगतिको शुभकामना व्यक्त गरेका छन् । छठ पर्वले सबै नेपालीमा राष्ट्रिय एकता, अखण्डता, मेलमिलाप र आपसी सद्भाव कायम गर्न सफल रहोस् भन्ने कामना मुख्यमन्त्री राईले व्यक्त गरेका छन् । चाडपर्वहरुले भौगोलिक, साँस्कृतिक र भाषिक विविधताबीच रहेको मौलिक, सुदृढ साँस्कृतिक एकता र पहिचानलाई अक्षुष्ण राख्न महत्वपुर्ण योगदान गरिरहेको पनि मुख्यमन्त्री राईले बताएका छन् ।
चाडपर्वहरु धरोहरकारुपमा रहेको भन्दै मुख्यमन्त्री राईले बहुमुल्य साँस्कृतिक सम्पदासमेत भएको उल्लेख गरेका छन् । विगत बर्षहरुमा हर्षउल्लासका साथ मनाउदै आएको चाडपर्वहरु कोरोना भाइरसको कारण अफ्ठेरो र असहज परिस्थितिमा मनाउनु परेको भन्दै उनले जो जहा छौं, त्यही बसेर सुरक्षित तवरले चाडपर्व मनाउन पनि बिशेष आग्रह गरेका छन् ।
_1711524552_1711967437.jpg)
