वीपी प्रतिष्ठानमा आन्दोलनरत फ्याकल्टीसँग सहमति, ताला पनि खुल्यो

  • प्रकाशित: फाल्गुन ९, २०७७ / 937 पटक पढिएको
  • क्लिक धरान
alt

धरान: वीपी कोइराला स्वास्थ्य विज्ञान प्रतिष्ठान धरानका आन्दोलनरत चिकित्सा तथा दन्तचिकित्स शिक्षण कल्याण समाज र व्यवस्थापन पक्षबीच सहमति भएको छ ।

आज दुवै पक्षबीच भएको वार्तामा सहमति जुटेपछि समाजले उपकुलपति र शिक्षाध्यक्षको कार्यकक्षमा गरेको तालाबन्दी पनि खुलेको छ । आज समाजको नेतृत्वसँग प्रतिष्ठानका उपकुलपति प्रा.डा.ज्ञानेन्द्र गिरी, शिक्षाध्यक्ष प्रा.डा.गुरु खनाल, रजिष्ट्रार प्रा. डा. मोहनचन्द्र रेग्मी र अस्पताल निर्देशक प्रा. डा. गौरी शंकर साहले वार्ता गरेका थिए । वार्ताबाट फ्याक्ल्टीहरुको बढुवा सम्बन्धमा एक महिना भित्र प्रमोशनको विज्ञापन प्रकाशित गर्ने सहमती कायम भएको छ ।

यस्तै, जोखिम भत्ता फाल्गुन १४ गतेभित्र वितरण गर्न सुरु गर्ने र अन्य मागहरुका सम्बन्धमा एक हप्ता भित्र तार्किक निष्कर्षमा पुग्ने गरी कार्य गर्ने समेत सहमती भएको छ । वार्तामा सहमती भएपछी हाललाई आन्दोलनका सम्पूर्ण कार्यक्रमहरु फिर्ता गरिएको समाजका अध्यक्ष डा. विष्णु पोखरेलले जानकारी दिए । अन्य मागहरू एक सातामा पूरा गर्ने सहमति भएकोले काम गर्नको लागि उर्जा मिलेको उनको भनाई छ ।

छुटाउनुभयो कि ?

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2021 - क्लिक धरान - सर्वाधिकार सुरक्षित