सर्वोच्च अदालतद्वारा संसद विघटनको निर्णय वदर, प्रतिनिधिसभा पुर्नस्थापना (फैसलाको पुर्णपाठसहित)

धरान: सर्वोच्च अदालतको संवैधानिक इजलाशले संसद विघटन वदर गरेको छ ।

प्रधानन्यायाधिशसहितको इजलाशले प्रधानमन्त्री केपी शर्मा ओलीको सिफारिशमा राष्ट्रपतिले गरेको संसद विघटनलाई वदर गर्ने फैसला गरेको हो । योसँगै संसद पुर्नस्थापना भएको छ । प्रधानमन्त्रीको सिफारिशमा गत पुष ५ गते राष्ट्रपति विद्यादेवी भण्डारीले संसद विघटन गरेकी थिइन् भने बैशाख १७ र २७ गते चुनाव घोषणा गरेकी थिइन् ।

प्रधानन्यायाधीश जबराले निर्णय वाचन गर्दै बहुमत प्राप्त प्रधानमन्त्रीलाई संविधानको धारा ७६ को उपधारा ७ बमोजिम प्रतिनिधिसभा विघटन गर्ने अधिकार नभएको बताए । साथै, १३ दिनभित्र प्रतिनिधिसभा बैठक बोलाउन पनि आदेश दिएको छ । योसँगै प्रतिनिधिसभाको बैठक फागुन २४ गतेभित्र बोलाउनुपर्ने भएको छ ।