_1704867435.jpeg)
धरान: विवाहित महिलाहरूलाई लक्षित गरि यहि जेष्ठ १५ गते वुमन्स वर्थ ग्रुपको अयोजनमा संपन्न मिसेस स्टेट २०२५ सिजन थ्री कोशी प्रदेशका विजेताहरुलाई शनिवार एक कार्यक्रमको आयोजना गरि पुरस्कार प्रदान गरेको छ ।
धरान उपमहानगरपालिका उपमेयर अइन्द्रबिक्रम बेघाको प्रमूख आतिथ्यमा धरान १३ स्थित हुक्पा चोङबाङ रिसोर्टमा पुरस्कार वितरण तथा धन्यवाद ज्ञापन कार्यक्रममा गरेको हो । उक्त कार्यक्रममा उपाधि विजेता अन्जु गुरुङ, फस्ट रनरअप ममता शाह र सेकेन्ड रनरअप सुनिता आचार्यलाई नगद पुरस्कार प्रदान गरिएको थियो ।
विजेता गुरुङलाई नगद पुरस्कार ५१ हजार, फस्ट रनरअप ममता शाहलाई नगद २५ हजार र सेकेन्ड रनरअप आचार्यलाई नगद १५ हजार रुपैया प्रदान गरिएको थियो । यसै गरि प्रतियोगिताका टफ फाइभ फाइनलिस्टहरुलाई गिफ्ट ह्याम्पर समेत प्रदान गरिएको थियो । उनीहरुलाई कार्यक्रमका प्रमूख अतिथि उपमेयर वेघा, कार्यक्रमका सभाध्यक्ष हरि मादेन, धरान १६ नं. वडाध्यक्ष मुरारी भट्टराई, एसएसपी भीम दाहाल, नेपाल पत्रकार महासंघ सुनसरी निर्वतमान अध्यक्ष जनकऋषि राई लगायतले पुरस्कार प्रदान गरेको थियो ।
विवाहित महिलाहरुको क्षमता अभिवृद्धि तथा प्रदर्शनका लागि महिला समुहद्धारा स्थापना गरिएको संस्था वुमन्स वर्थ ग्रुपले २०१८ साल देखि मिसेस स्टेट आयोजना गर्दै आइरहेको छ । पहिलो र दोस्रो संस्करण सफलतापुर्वक गरेको संस्थाले तेस्रो संस्करण २०२० मा आयोजनाको तयारी गरिरहदा कोरोना महामारिको रोकेको थियो ।
मिसेस स्टेट प्रतियोगितालाई २०२५ देखि तेस्रो संस्करण आयोजना गर्दै गु्रपले आफ्नो कार्ययोजनाहरु सुरु गरिएको वुमन्स वर्थ ग्रुपका सचिव ज्योति राईले जानकारी दिइन् । चौथो संस्करण २०२६ मा समयमा नै अझ भव्य र व्यवस्थित रुपमा आयोजना गरिने कार्यक्रमका सभाध्यक्ष एवं ग्रुपकी उपाध्यक्ष हरि मादेनले उद्घोष गरिन् । उनले कार्यक्रम सफल वनाउन सहयोग गर्नुहुने सहयोगीहरुलाई धन्वाद समेत दिइन् ।कार्यक्रममा कोरियोग्राफर डिजे ललित राई, ग्रुपकी सहसचिव छाया श्रेष्ठ, कोषाध्यक्ष रोजि ताम्रकार, सदस्य सरला श्रेष्ठ लगायतको उपस्थिति रहेको थियो ।
