वीपीका चिकित्सक-कर्मचारीहरुको तलब २० प्रतिशतसम्म बृद्धि गर्ने निर्णय, कर्मचारीद्वारा खुशी व्यक्त

  • प्रकाशित: असार १६, २०७७ / 1,114 पटक पढिएको
  • क्लिक धरान
alt

धरान: वीपी कोइराला स्वास्थ्य विज्ञान प्रतिष्ठान धरानका चिकित्सक र कर्मचारीहरुको तलब वृद्धि भएको छ ।

प्रतिष्ठानका उपकुलपति प्रा.डा.ज्ञानेन्द्र गिरीले सर्कुलर जारी गर्दै ४३ औं सिनेट बैठकले आन्तरिक स्रोतबाट २० प्रतिशतसम्म तलब वृद्धि गर्नसक्ने निर्णय गरेअनुसार तलब वृद्धिको निर्णय भएको जनाएका छन् । वृद्धि भएको तलब १ साउन २०७६ देखि लागु हुने उपकुलपति डा.गिरीको सर्कुलरमा उल्लेखछ ।
सर्कुलर अनुसार श्रेणीविहिनदेखि सहायक स्तरसम्मका कर्मचारीहरुको बेसिक तलबमान २० प्रतिशत वृद्धि भएको छ ।

अधिकृतस्तरदेखि डेपुटी रजिष्ट्रारसम्मका कर्मचारीहरुको १५ प्रतिशत वृद्धि भएको छ भने सिनियर रेसिडेन्टदेखि पदाधिकारीहरुको हकमा बेसिक तलबमा १० प्रतिशतका दरले तलब वृद्धि गर्ने निर्णय भएको छ । नियमअनुसार आकर्षण भत्ता पाउने शिक्षकलाईसमेत १० प्रतिशत लागु हुनेछ । श्रेणीविहिन कर्मचारीलाई वृद्धि तलब शतप्रतिशतले हुन आउने रकम १५ गते असारसम्म उपलब्ध गराउने र बाँकी अन्य पदाधिकारी, शिक्षक र कर्मचारीहरुलाई स्रोतको उपलब्धता भएसँगै क्रमिकरुपमा उपलब्ध गराउदै जाने उल्लेख छ ।

कर्मचारी समन्वय समितिका संयोजक महेश्वर राईले तलब वृद्धिको यो निर्णय स्वागतयोग्य भएको प्रतिक्रिया दिएका छन् । ‘निर्णय सकरात्मक र स्वागतयोग्य छ । कर्मचारीको हितमा पनि छ,’उनले भने,‘उपकुलपतिबाट साहसपुर्ण निर्णय भएको छ, हामीले सन्तोष गर्ने ठाउँ रह्यो ।’

sercular

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2020 - क्लिक धरान - सर्वाधिकार सुरक्षित