आज दिउँसोदेखि भेडेटार-देवीथान जिपलाइन सुचारु हुने

  • प्रकाशित: कार्तिक १७, २०७७ / 2,059 पटक पढिएको
  • क्लिक धरान
alt

धरान: उद्घाटन भएको एक महिना पनि नबित्दै लकडाउनको कारण बन्द रहेको धरान ४ भेडेटार-देवीथान जिपलाइन आजदेखि पुनः सञ्चालनमा आउने भएको छ ।

इन्स्ट्रक्टरहरु काठमाण्डौंबाट भेडेटार आइपुग्ने र दिउँसो करिब एक बजेपछि जिपलाइन सुचारु गरिने सञ्चालक केदार थापाले जानकारी दिए । फागुन २४ गतेदेखि सञ्चालनमा आएको यो जिपलाइन लकडाउन शुरु भएपछि चैत ११ गतेपछि बन्द गरिएको थियो । ‘कोभिडको कारण चैत ११ गतेपछि बन्द थियो । अहिले होटलहरु पनि चल्न थालेकोले सरकारको स्वास्थ्य सुरक्षा प्रोटोकल पालना गर्दै आजदेखि शुरुवात गर्दैछौं,’सञ्चालक थापाले भने,‘इन्स्ट्रक्टरहरु काठमाण्डौंबाट भेडेटार जादैछन्, दिउँसो १ बजेतिर पुगेपछि शुरुवात हुन्छ ।’

नेपाल भ्रमण बर्ष २०२० लाई लक्षित गरेर वल्र्डवाईड ग्रुप प्रालिले भेडेटारमा व्यवसायिक जिपलाइन सञ्चालनमा ल्याएको थियो । तीन करोड बढी लगानी भएको जिपलाइन सञ्चालनको एक महिना पनि नबित्दै कोभिड महामारी र लकडाउनको कारण बन्द भएको थियो । जसले गर्दा लगानीकर्ताहरुलाई ठुलो आर्थिक नोक्सानी भएको छ । ‘भिजिट नेपाल २०२० लाई लक्षित गरेर सञ्चालनमा ल्याएका थियौं, तर लकडाउनले गाह्रो बनायो । स्वदेशी पर्यटकहरु पनि आउन पाएनन्, यस्तो होला भन्ने सोचेकै थिएनौं,’थापाले भने,‘प्रोटोलक पालना गर्दै सञ्चालन गछौं ।’

भिडियो:

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2020 - क्लिक धरान - सर्वाधिकार सुरक्षित