विश्व किर्तिमानी के टु आरोही, गायक राजु लामा र पुर्वमिस नेपाल जोशीलाई धरानमा भव्य स्वागत(भिडियो/फोटोसहित)

धरान: प्रभु बैक धरान १० के रन, नवौं नेवा च्यारिटी को सम्पुर्ण तयारी पुरा भएको छ ।

भोली बिहान ६ बजेर ३० मिनेटमा शुरु हुने प्रतियोगितामा सहभागी हुन धरान बाहिरका धावक धाविकाहरुका साथै अतिथिहरु पनि धरान आइसकेको आयोजक धरान रनले जनाएको छ । ‘९९ प्रतिशत तयारी भइसक्यो । भातर र नेपालका विभिन्न जिल्लाबाट आउनुपर्ने धावक धाविकाहरु पनि आइसके,’अध्यक्ष रमु राईले भने,‘अतिथिहरुलाई पनि आज स्वागत गरिसकेका छौं ।’

विश्वको दोस्रो अग्लो हिमाल के टु हिउद महिनामा पहिलो पटक आरोहण गरेर विश्वकिर्तिमान कायम गर्ने नेपालको १० जनाको टोली आज धरान आइसकेका छन् । उनीहरुसँगै चर्चित गायक राजु लामा र पुर्व मिस नेपाल मलिना जोशी पनि धरान आइसकेकी छिन् । सुन्दरी जोशीको घर धरान नै हो । उनीहरुलाई स्वागत गर्न विराटनगर विमानस्थलमा धरानका वडा नं १८ का अध्यक्ष प्रविण राई, पुर्वगोर्खा लाहुरे तथा धरान रनका सल्लाहकार सुवास राईको टोली गएका थिए ।

अतिथिहरुको टोली होटल गजुर प्यालेसमा बसेका छन् । दिउँसो गजुर प्यालेसदेखि भानुचोकस्थित धरान रन कार्यालयसम्म अतिथिहरुलई साकेला नाच तथा साँस्कृतिक झाँकीसहित स्वागत सम्मान गरिएको थियो । शनिबार धरान १० के रनको पुरस्कार वितरण समारोहमा आरोही टोलीलाई सम्मान गर्ने कार्यक्रम रहेकोछ । भिडियो/फोटो: विकास चाम्लिङ