_1704867435.jpeg)
धरानः उपमेयर कप फुटबल प्रतियोगितामा सहभागी हुन धरानका महिला फुटबल खेलाडीहरु काठमाडौं प्रस्थान गरेका छन् ।
ललितपुरको सातबाटोमा एन्फाले आयोजना गरिरहेको उपमेयर कप राष्ट्रिय महिला लिग छनौटमा सहभागी हुन धरानको टिम मंगलबार काठमाडौं प्रस्थान गरेको हो । महिला टिमलाई मेयर तिलक राई, कार्यकारी अधिकृत विदुर प्रसाद खनाल, शिक्षा तथा खेलकुद शाखा प्रमुख रत्न कटवालले फुलमाला लगाएर विदाई गरेका थिए ।
धरानको टिमले कार्तिक ११ गते बिहीबार दिउँसो ३ बजे सिन्धुपाल्चोकको सुनकोशी गाउँपालिकासँग प्रतिस्पर्धा गर्नेछ भने कार्तिक १५ गते दिउँसो १२ बजे उदयपुरको चौदण्डीगढी नगरपालिकाको सामना गर्नेछ ।
धरानको टिममा जिनु राई, सुस्मिता राई, आयुशा राई, समिक्षा मगर, प्रतिक्षा राई, सुमित्रा मगर, अन्जु प्रधान, टेरेसा मगर, सुमिना मगर, आयुना लिम्बु, आशिका बोहोरा, कोपिला लिम्बु, बबिता विश्वकर्मा, रमिला राई, ओङ्बुहाङमा सुबरा राई, सिमा कुमारी आले, तान्छु लिम्बु, अमिक्षा राई, आरति खवास, सुस्मिता लिम्बु रहेकी छिन् ।
यस्तै, उपमहानगरको फुटबल प्रशिक्षक अर्जुन राई, नगर खेलकुद विकास समितिका सदस्य सतिस कसी, महिला फुटबल प्रशिक्षक भगवती राना मगर र डिल्लीराम श्रेष्ठ पनि प्रस्थान गरेका छन् ।
