धरान: छैटौ हराईजन राष्ट्रिय बास्केटवल कपमा काठमाण्डौको टाइम्स क्लब फाइनल प्रवेश गरेको छ 

 धरान १७ स्थित श्री घोपा माविको बास्केटवल कोर्टमा भएको सेमीफाइलन खेलमा टाईम्सले विशाल मिलन केन्द्र काठमाण्डौलाई १२३–१०१ स्कोरले हराउदै फाइल पुगेको हो । अब टाइम्सले उपाधिको लागि बिभागीय टिम त्रिभुवन आर्मी क्लबसँग फाइनलमा भिड्नुपर्नेछ । टाईम्स क्लबले प्रत्येक क्वाटर ३८–२८–३३–२४ स्कोर गरेको थियो भने विशाल मिलन केन्द्रले २९–२६–२६–२० स्कोर गरेको थियो । खेलको म्यान अफ द म्याच टाईम्स क्लबका विजय बुर्जा घोषित भए । उनले टिमका लागि ३३ स्कोर गरेका थिए । 

प्रतियोगिताको फाइनल शुक्रबार (भोली) टाइम्स र आर्मीबीच हुनेछ । आर्मीले बुधबार भएको पहिलो सेमीफाइनलमा काठमाण्डौको रोयल्स बास्केटबल क्लबलाई पराजित गर्दै फाइनल प्रवेश गरेको थियो । प्रतियोगिताको बिजेताले नगद १ लाख ११ हजार र उपबिजेताले ५५ हजार रुपैया पाउने आयोजक हराईजन क्लबले जनाएको छ ।