_1704867435.jpeg)
धरान:एभरेष्ट कप थ्री वाइ थ्री प्रदेश १ बास्केटवल प्रतियोगिताको सबै उपाधि धरानको बास्केटबल टिमले कब्जा जमाएको छ ।
प्रतियोगिताको पहिलो, दोस्रो र तेस्रो उपाधि धरानको टिमले जितेको हो । एसईई दिएर बसेका विद्यार्थीहरुले मात्र सहभागिता जनाउन पाउने प्रतियोगिताको प्रथम उपाधि धरानको होलिल्याण्ड स्कुलले जितेको छ भने दोस्रो उपाधि धरानको चिल्ड्रेन स्कुलले हात पारेको छ । यस्तै, प्रतियोगितामा तेस्रो उपाधि भने धरानको डिपो स्कुलले हात पारेको छ ।
विराटनगर बास्केटवल एकेडेमीको आयोजना तथा एभरेस्ट कलेजको मुख्य प्रायोजनमा प्रतियोगिता भएको हो । प्रतियोगिताको विजेता टिम होलिल्याण्ड स्कुलले ट्रफिसहित नगद ५० हजार पाएको छ भने दोस्रो हुने चिल्ड्रेन स्कुलले नगद ३० हजार पाएको त । यस्तै, तेस्रो भएको डिपो स्कुलले नगद २० हजार हात पारेको छ ।
विजेता तथा उपविजेता टिमलाई एभरेष्ट कलेजका अध्यक्ष विनोद ढकाल र प्रिन्सिपल टिकाराम पुरिले पुरस्कार वितरण गरेका थिए । एकदिने प्रतियोगितामा विराटनगर, विर्तामोड, उर्लावारी, तरहरा र धरानका वाह्र वटा टिमले सहभागिता जनाएको थियो ।
