_1704867435.jpeg)
धरान: यलम्वर ओपन रनिङ्ग रनिङ्ग बास्केटवल टुर्नामेन्ट शुरु भएको छ ।
उद्घाटन खेलमा आयोजक यलम्वर ए टिम विजयी भएको छ। उद्घाटन खेलमा आयोजक यलम्वर ए टिमले व्रदस टिमलाई ६२–५७ अंकको अन्तरले पराजित गरेको छ ।अत्यन्त्य प्रतिस्पर्धात्मक भएको खेलमा पहिलो क्वाटरमा यलम्वरले पहिलो र दोस्रो क्वाटरमा १४–१२ र १५–९ अंकले अग्रता लिएको थियो । तेस्रो र चौथो क्वाटरमा भने १५–१४ र २१–१९ अंकको अन्तरले व्रदस अगाडि रहेको थियो । खेलमा यलम्वर क्लव ए टिमका दिवस राईले व्यक्तिगत १८ अंकको योगदान दिएका थिए ।
प्रतियोगितामा धरान, तरहरा र विराटनगरका गरि ११ वटा टिमले सहभागिता जनाएको छ । प्रतियोगिताका विजेता टिमले नगद २० हजार, दोस्रो टिमले नगद १० हजार, ट्रफि, मेडल र प्रमाण पत्र प्राप्त गर्नेछन् । यस्तै, प्रतियोगिताका उत्कृष्ट खेलाडि र फाइनल खेलका म्यान अफ द म्याचले नगद सहित ट्रफि प्राप्त गर्नेछन ।
बिशेष अतिथि नेपाल यातायात स्वतन्त्र मजदुर संगठनका केन्द्रिय अध्यक्ष भिम ज्वाला राई, सिदार्थ जिम हलका अध्यक्ष नरेश राई र प्रतियोगिता संयोजक युगल लिम्बुले संयुक्त रुपमा रेफ्रिलाई वल हस्तान्तरण गर्दै प्रतियोगिताको शुरुवात भएको थियो । यलम्वर वास्केटवल खेल मैदानमा २६ गते सम्म हुने प्रतियोगितामा धरान बास्केटवल संघको प्राविधिक सहयोग रहेको छ।
