_1704867435.jpeg)
धरान: उच्च शिक्षालय तथा माध्यमिक विद्यालय संघ नेपाल (हिसान) सुनसरीको स्पोर्ट्स मिट २०७९ अन्तर्गत हिसान रनमा छात्रतर्फ नमुना कलेज र छात्रातर्फ धरान आदर्श प्रथम भएका छन ।
इटहरीमा आज शुक्रबार बिहान भएको ५ किलोमिटर लामो दौडमा नमुना कलेजका सरोज सिंहले निर्धारित दुरी १४ मिनेट १० सेकेण्डमा पुरा गरेर प्रथम भए । सुनाखरी एकेडेमीका रोदन राईले १४ मिनेट ३५ सेकेण्डमा निर्धारित दुरी पार गर्दै दोस्रो हुँदा धरान उच्चका अर्जुन कुमार राईले १४ मिनेट ३६ सेकेण्डमा निर्धारित दुरी पार गर्दै तेस्रो भएका छन् ।
यसैगरि, छात्रातर्फ धरान आदर्शकी आयशा लिम्बु प्रथम भइन् । कस्तुरी कलेजकी इशा यादव दोस्रो र हिमशिखर स्कूलकी तनुजा थापामगर तेस्रो भइन् । लिम्बुले निर्धारित दुरी २० मिनेट ४० मिनेट, यादवले २० मिनेट ५४ र थापामगरले २१ मिनेट १० सेकेण्डमा पुरा गरेकी थिइन ।
प्रथम हुने धावक धाविकाले नगद १५ हजार, द्धितीयले १० हजार र तेस्रोले ५ हजार नगद पुरस्कार पाए । बिजेता धावक धाविकाहरुलाई इटहरी उपमहानगरका नगर प्रमुख हेमकर्ण पौडेल, जिल्ला प्रहरी कार्यलय सुनसरीका प्रहरी प्रमुख एसपी प्रभुप्रसाद ढकाल, प्रदेश १ टाफिक प्रहरी प्रमुख एसपी श्यामकुमार महतोले पुरस्कार प्रदान गरेका थिए ।
