_1704867435.jpeg)
धरान: क्रिश्चियन धर्मावलम्विहरुको चाड क्रिसमसको अवसरमा नेपाल पत्रकार महासंघ सुनसरी र धरान ख्रीष्टियन समाजबीच मैत्रीपुर्ण फुटसल खेल सम्पन्न भएको छ ।
धरान ख्रिष्टीयन समाजले आयोजना गरेको मैत्रीपुर्ण खेलमा पत्रकार महासंघ सुनसरी १२–७ गोल अन्तरले विजयी भएको छ। खेलमा महासंघ सुनसरीका अध्यक्ष जनकऋषि राईको नेतृत्वमा पत्रकार टिम मैदानमा उत्रिएका थिए । ख्रिष्टीयन समाजमा सन्दिप राईको नेतृत्व मैदानमा उत्रिएको थियो।
समाजले हरेक वर्ष क्रिसमसको अवसरमा भव्य रुपमा विभिन्न कार्यक्रमहरु आयोजना गर्दैै आइरहेको जनाएको छ । क्रिसमसको अवसर पारेर रमाइलो गर्दै आपसी भाइचारा, एकअर्कामा सदभाव बढाउनका लागि मैत्रीपुर्ण खेलको आयोजना गरिएको समाजका अध्यक्ष गोविन्द राईले बताए । कार्यक्रममा पत्रकार महासंघ सुनसरी अध्यक्ष जनकऋषि राई र नेपाल ख्रिष्टीयन समाजका केन्द्रिय सचिव कुवेर गुरुङले क्रिसमस पर्वको शुभकामाना दिएका थिए।
