_1704867435.jpeg)
धरान:धरानलाई सफा र स्वच्छ बनाउने मेयर हर्क साम्पाङको अभियानलाई सार्थक बनाउन हङकङमा रहेका धरानेहरुले सहयोग गरेका छन् ।
हाल हङकङमा रहेका धरान १५ निवासी विष्णुकुमार राई र श्रीमति दिपा लिम्बु साथै, धरान १९ निवासी राजन लिम्बु र सरस्वती लिम्बुले सहयोग गरेका हुन् । उनीहरुले पठाएको रकमले ३४ थान डस्विन उपमहानगरपालिकालाई हस्तान्तरण गरिएको छ । धरान ११ निवासी शोभा राईले आज बिहान दाताहरुको सहयोग डस्विन मेयर साम्पाङलाई हस्तान्तरण गरिन् । धरानलाई सफा, स्वच्छ र सुन्दर बनाउने मेयर साम्पाङको अभियानबाट प्रभावित भएर हङकङबाट सहयोग गरेको दाताहरुका प्रतिनिधि शोभा राईले जानकारी दिइन्।
मेयर साम्पाङले पनि दाताहरुलाई धन्यवाद व्यक्त गर्दै धरानलाई सफा, सुन्दर बनाउने आफ्नो अठोट भएको बताए । साथै, उनले सबै नगरबासीले आफ्नो घर, आँगन र घर अघिको बाटो सफा राखेमा पुरै नगर सफा हुने पनि बताए । फोहोर व्यवस्थापनमा नै करोडौ रुपैया खर्च भइरहेको भन्दै मेयर साम्पाङले नगरबासी आफै जिम्मेवार भएर फोहोर व्यवस्थित गरेमा त्यो रकम अन्य विकास निर्माण वा सामाजिक कार्यमा खर्च गर्न सकिने पनि बताए । मेयर साम्पाङले दाताहरुबाट प्राप्त भएको डस्विनलाई आवश्यक पर्ने चोकहरुमा राखिने पनि बताए ।
भिडियो:
