धरान : शनिबार राती धरान १६ स्थित रंगशालामा सम्पन्न प्रथम धरान अर्न्तराष्ट्रिय महिला गोल्डकप फुटबल प्रतियोगिता २०८३ को सर्वोत्कृष्ट खेलाडी नेपाल पुलिस क्लबकी रेखा पौडेल घोषित भइन् । 

फाइनलमा चिरप्रतिद्धन्दी टिम एपिएफ क्लब काठमाण्डौंमा २-० गोलअन्तरले पुलिस पराजित हुदै उपाधिबाट बञ्चित रहेपनि खेलाडी पौडेल प्रतियोगिताकै सर्वोत्कृष्ट खेलाडी घोषित भइन् । उनले पुरस्कार वापत इभी स्कुटर पाइन् । 

यसबाहेक उनी प्रतियोगिताकै सर्वाधिक गोल गर्ने खेलाडी (हाइ स्कोरर) को पनि पुरस्कार हात पारिन् । उनले प्रतियोगितामा डबल ह्याट्रिकसहित कुल ९ गोल गरेकी थिइन् । पुरस्कार वापत उनले ट्रफी र नगद १५ हजार हात पारिन् । 

final angela

यस्तै, प्रतियोगिताको बेष्ट गोलकिपर एपिएफकी अञ्जिला तुम्बापो सुब्बा घोषित भइन् भने बेष्ट डिफेन्डर नेपाल पुलिसकी पुजा राना, बेष्ट मिडफिल्डर एपिएफकी रेनुका नगरकोटी, बेष्ट फरवर्ड एफिएफकै पुर्णिमा राई घोषित भइन् । यस्तै, बेष्ट कोच पनि एपिएफका विजेशकुमार पाण्डे घोषित हुदा फाइनल खेलको म्यान अफ दि म्याच एफिएफकी रश्मीकुमारी घिसिङ घोषित भइन् । व्यक्तिगत विधातर्फको पुरस्कार वापत कोच र खेलाडीहरुले नगद १५ हजारसहित ट्रफी पाए भने म्यान अफ दि म्याचले नगद १० हजार थापिन् । 

final high scorer

final high scoor

final midfield

final man of the match'

final defender

final coach