_1704867435.jpeg)
धरान: धरानमा अब जथाभावी फोहोर गर्ने वा फाल्नेलाई जरिवाना गरिने भएको छ ।
मेयर हर्कराज राई (साम्पाङ)ले हङकङ नेप्लीज युथ, हङकङले दिएको डस्विन ग्रहण गर्दै फोहोर जथाभावी फाल्नेलाई कानुन वमोजिम कारबाही गर्ने जानकारी दिएका छन् । उनले जरिवानाबारे आज दिउँसो २ बजे हुन लागेको कार्यपालिका बैठकबाट निर्णय गर्ने पनि बताए । मेयर साम्पाङका अनुसार आजको कार्यपालिका बैठकमा जथाभावी फोहोर गर्ने वा फाल्नेविरुद्ध जरिवाना निर्धारण गर्ने एजेण्डा पनि राखिएको छ ।
मेयर राईले भानुचोक क्षेत्रमा राखिएको डस्बिनमा जथाभावी फोहोर फालेको र डस्विन पनि वेवस्ता गरिएकोले यस्तो निर्णय गर्न लागेको बताए । वातावरण तथा सरसफाई ऐन अन्तर्गत जरिवारना लगाउने एजेण्डा राखेको र निर्णय भएर पास पनि हुने उनले बताए । जरिवाना गर्न आफुहरुको रहर नभएको र जरिवाना नपर्न पनि उनले धरानबासीलाई आग्रह गरे । धरानलाई सफा राख्न कुनै पनि कसर बाँकी नराख्ने भन्दै उनले चेतना फैलाउने र नियमन गर्ने काम पनि अघि बढाउने बताए ।
हङकङ नेप्लीज यथुबाट डस्विन प्रदान
हङकङमा रहेका नेपाली युवाहरुले मेयर साम्पाङको सफा धरान अभियानलाई सफल बनाउन डस्बिन प्रदान गरेका छन् हङकङ नेप्लीज युथको तर्फबाट १५ वटा डस्विन प्रदान गरिएको हो । राज लिम्बुको रोहबरमा रकम संकलन गरेर डस्विन प्रदान गरिएको समन्वयकर्ता तथा सञ्चारकर्मी कमानसिंह याम्फुले जानकारी दिए । उनले नै मेयर साम्पाङलाई डस्बिन प्रदान गरेका थिए ।
मेयर साम्पाङले दाता संस्थालाई धन्यवाद पनि दिए । धरानलाई सफा, स्वच्छ र स्वास्थ्य बनाउने अभियान जारी रहेको पनि उनले बताए । धरानमा कोही मान्छे आउने बित्तिकै आहा कति सफा रहेछ भन्ने प्रभाव पार्न दिनरात कोसिस गरिरहेको पनि उनले बताए ।
भिडियो:
