धरान: नेपालमा वाग्लुङकी युवतीमा पनि कोरोना भाइरस संक्रमण पुष्टि भएको छ ।

बेल्जियमबाट आएकी ती युवतीमा संक्रमण पुष्टि भएसँगै नेपालमा कोरोना संक्रमितको संख्या पाँच पुगेको छ । ती युवती पनि चैत ४ गते कतार एयरवेजको क्युआर ६५२ विमानबाट आएकी थिइन् । उनी र फ्रान्सबाट कतार हुदै आएकी नेपालमा दोस्रो संक्रमित युवती एउटै विमानबाट आएका हुन् । पाँच संक्रमितमध्ये एक जना निको भएर घर फर्किसकेका छन् भने २ जनाको काठमाण्डौंमा र एक जनाको धनगढीस्थित प्रादेशिक अस्पतालमा उपचार भइरहेको छ ।