_1704867435.jpeg)
धरान: धरानमा १० हजार १४८ मतगणना सकिदा मेयर र उपमेयरमा गठबन्धनको अग्रता कायमै छ ।
निर्वाचन कार्यालयले दिएको जानकारी अनुसार गठबन्धनबाट मेयरका उम्मेद्वार किशोर राईले ३३२२ मत प्राप्त गरेका छन् । एमालेबाट मेयरकी उम्मेद्वार मञ्जु भण्डारीले २५०३ मत प्राप्त गरेकी छिन् । स्वतन्त्र उम्मेद्वार हर्क साम्पाङले २३२५ मत प्राप्त गरेका छन् । शरुवातदेखि दोस्रो स्थानमा रहदै गठबन्धन उम्मेद्वारलाई पछ्याइरहेका साम्पाङ अहिले तेस्रो स्थानमा झरेका छन् ।
उपमेयरतर्फ पनि गठबन्धन उम्मेद्वार अइन्द्र बिक्रम बेघा ३५९१ मतका साथ अगाडि छन् । एमालेका उम्मेद्वार पदम इस्वोले ३००० मत प्राप्त गरेका छन् । हालसम्म वडा नं १ को १९३९, वडा २ को १४८०, वडा ३ को १९८७ र वडा ४ को १७४२ खसेको मत गणना सम्पन्न भइसकेको छ भने वडा ५ र वडा ६ को १५/१५ सय मतगणना भएको छ ।
