वीपीमा २५ बर्षीय कोरोना संक्रमित युवाको मृत्यु

  • प्रकाशित: श्रावण २३, २०७७ / 2,261 पटक पढिएको
  • क्लिक धरान
alt

धरान: वीपी कोइराला स्वास्थ्य विज्ञान प्रतिष्ठान धरानमा एक जना कोरोना संक्रमित युवाको मृत्यु भएको छ ।

जनकपुरबाट रिफर भएर आएका २५ बर्षीय युवाको हिजो राती १० बजेर ४५ मिनेटमा निधन भएको प्रतिष्ठानका प्रवक्ता डा.निदेश सापकोटाले जानकारी दिए । उनका अनुसार नियमित डाइलाइसिस गराउनुपर्ने विरामी भएको र यहाँ आइपुग्दा सिकिस्त अवस्थामा थिए ।

‘२ बर्षदेखि हप्तामा २, ३ पटक डाइलाइसिस गराउदै गरेका विरामी रहेछन् । उनलाई पोजेटिभ देखिएको थियो,’डा.सापकोटाले भने,‘रिफर भएर हिजो साँझ वीपी आइपुगेका थिए, राती डाइलाइसिसकै क्रममा मृत्यु भयो ।’ मृतक सिरहाको गोलबजार निवासी हुन् । मृतकको शव पठाउनको लागि आवश्यक समन्वय भइरहेको पनि प्रवक्ता डा.सापकोटाले जानकारी दिए ।

अध्यक्ष: सबिता राई || प्रधान सम्पादक: आर.के.राई || प्रबन्ध निर्देशक: सुनिता केसी राई || फाेटाे सम्पादक: विकास चाम्लिङ

Click Dharan Media (P) Ltd. || फोन: ९८१४३२३६४६ || इमेल: [email protected]

कम्पनी दर्ता नं. २३६५०० || स्थायी लेखा नं.: N/A || प्रेस काउन्सिल नेपाल: N/A || सुचना तथा प्रसारण विभाग: N/A

प्रतिलिपि अधिकार © 2020 / 2020 - क्लिक धरान - सर्वाधिकार सुरक्षित