_1704867435.jpeg)
धरान : धरानको वडा नं २ मा एमालेका उम्मेद्वार रमेश राई विजयी भएका छन् ।
उनले कांग्रेसका उम्मेद्वार सुधिरसिंह लिम्बुलाई हराउदै विजयी भएका हुन् । उनी १२१ मतान्तरले विजयी भएका छन् । राईले ७४८ मत पाएका छन् भने पराजित लिम्बुले ६२७ मत पाएका छन् । वडाअध्यक्षमा विजयी भएपनि निर्वाचन अधिकृतको कार्यालयले औपचारिक घोषणा गर्न बाँकी छ।
वडा नं २ को नतिजा घोषणा हुन लागेको बेलामा विवाद भएको थियो । कांग्रेसका प्रतिनिधिले वडाअध्यक्षमा विजयी राईलाई दुव्र्यवहार गरेपछि विवाद चर्केको थियो । सोही विवादले नतिजा घोषणा रोकिएको छ । अध्यक्षमा एमालेका राई विजयी भएपनि ४ जना वडा सदस्यमा कांग्रेसका उम्मेद्वार विजयी थिए । तर, पुनः ट्याली गर्दा एक जना सदस्यमा एमालेका विजयी देखिएपछि विवाद भएको हो।
