_1704867435.jpeg)
धरान: धरानमा हालसम्म ६२०६ मतगणनाको परिणाम सार्वजनिक भएको छ ।
निर्वाचन अधिकृतको कार्यालयले दिएको जानकारी हालसम्म लोकतान्त्रिक बाम गठबन्धनका मेयर उम्मेद्वार किशोर राईले अग्रता कायमै राखेका छन् । उनलाई स्वतन्त्र उम्मेद्वार हर्क साम्पाङले पछ्याइरहेका छन् । गठबन्धनका उम्मेद्वार राईले २२५१ मत पाएका छन् भने स्वतन्त्र उम्मेद्वार साम्पाङले १५४२ मत पाएका छन् । हालसम्म तेस्रो स्थानमा रहेकी एमालेकी मेयर उम्मेद्वार मञ्जु भण्डारीले १२९७ मत पाएकी छिन् ।
यसैगरि, उपमेयरमा गठबन्धनका उम्मेद्वार अइन्द्रबिक्रम बेघाले २४०८ मत पाएर अगाडि छन् भने एमालेका उम्मेद्वार पदम इस्वोले हालसम्म १५९५ मत प्राप्त गरेका छन् । यो नतिजा हालसम्म वडा नं १, २, ३ को सम्पन्न भइसकेको मतगणनाको साथै वडा नं ४ को ४ सय र वडा ५ को ४ सयको मतगणनाको नतिजा हो ।
